Кеча ўзбекистонлик муҳлислар “Анжи”га, Аҳмедовга мухлислик қилдилар…

“Анжи” марафонни ғалаба билан бошлади.

Европа лигаси саралаш босқвичи доирасидаги “Анжи” ва “Гонвед” жамоалари ўртасидаги учрашув якунланди. Унда махачқалъаликлар минимал ҳисобда ғалаба қозонишди.  Учрашувдаги ягона гол Жусилей ҳисобига ёзилди. У Аҳмедов томон узатилган тўпга зарба берди ва тўп йўл-йўлакай ҳимоячига тегиб, ўз йўналишини ўзгартирди ва дарвоза тўридан жой олди.  Бутун учрашув давомида Одил ўта фаол ҳаракат қилди ва жамоасининг ғалабасига муносиб ҳисса қўшди. У вазиятда тўпни Траорега ўта қулай тарзда етказиб берган эди, бироқ ҳужумчи уч-тўрт метр масофадан дарвозани ишғол эта олмади. Шу тариқа, “Анжи” дастлабки учрашувни ғалаба билан якунлади. Барчаси жавоб ўйинида ҳал бўлади.

Одил Аҳмедов энди 6-рақамда ўйнайди.

Хабарингиз бор, Одил Аҳмедов “Анжи” сафида 25-рақамли футболкада ҳаракат қилаётганди (у “Пахтакор”да ҳам айнан шу рақам остида ўйнаган). Янги мавсум (2012/2013)да эса ҳамюртимиз 6-рақамда тўп сурадиган бўлди.  Кеча бўлиб ўтган “Анжи” – “Гонвед” ўйинида Аҳмедов айнан олтинчи рақамли футболкада ҳаракат қилди (юқоридаги суратга қаранг). Ўтган йили 6-рақамли футболка Муборак Буссуфага тегишли бўлганди (у энди 20-рақамни танлади).

Шунингдек, “Анжи” – “Гонвед” ўйини пайтида Махачқалъадаги стадионда Одил Аҳмедовни қўллаб-қувватлаб турувчи баннер мухлислар томонидан кўтарилди. Унда қуйидаги ёзувлар бор: “Бутун Ўзбекистон “Анжи”га, Аҳмедовга мухлислик қилади” (“Весь Узбекистан за Анжи! За Ахмедова!”).

Манба: www.stadion.uz.