Футбол: Плей-оффдаги рақибимиз Иордания терма жамоаси бош мураббийи Аднан Хамад истеъфога чиқди

Adnan+Hamad+AFC+Asian+Cup+Japan+v+Jordan+R4L5EPXFAEDxИордания терма жамоаси бош мураббийи Аднан Хамад Maжид Ал-Аббаси  истеъфога чиққанини маълум қилди.  Иордания терма жамоаси ўз уйида Уммон терма жамоасини мағлубиятга учратиб, жаҳон чемпионати учун курашни плей-оффда давом эттириш ҳуқуқини қўлга киритгач, Аднан Хамад терма жамоадан кетишини маълум қилди. Гарчи иорданияликлар илк бора бу босқичда ўйнаш ҳуқуқини қўлга киритган бўлса-да, мураббий шунга қарор қилган.

“Бу менинг Иордания терма жамоаси бошқарувидаги сўнгги учрашувим эди.

Бу учрашувда ғалаба қозонишдан бахтиёрман. Мухлислар фантастик тарзда бизни қўллаб-қувватладилар ва биз гуруҳда учинчи ўринни қўлга киритишга муваффақ бўлдик.

Уммонга қарши ўз уйимиздаги учрашув осон кечмади. Чунки Уммон терма жамоаси улкан иқтдорга эга ва плей-оффга чиқиш учун қаттиқ кураш олиб борди. Биз ҳам катта ҳажмдаги ишни бажардик ва футболчиларимизнинг жанговар кайфияти туфайли ғалабага эриша олдик”, – дейди Аднан Хамад.

Эслатиб ўтамиз, Иордания ва Ўзбекистон терма жамоалари ўз гуруҳларида 3-ўринни қўлга киритдилар ва Жанубий Американинг бешинчи жамоасига қарши майдонга тушиш учун плей-оффда кураш олиб борадилар. Ушбу учрашувлар 6 ва 10-сентябрь саналарида бўлиб ўтади. Ўзбекистон терма жамоаси дастлаб меҳмонда, сўнгра ўз уйида майдонга тушади.

Ғолиб чиққан жамоа КОНМЕБОЛ вакилига қарши 15 ва 19-ноябрь саналарида кураш олиб боради. Бу босқичдаги учрашувлар аввал ОФК вакили майдонида, сўнгра Жанубий Америкада ўтказилади.

Манба: www.sport.ahram.org.eg