«Ўзбекистон ҳаво йўллари» Миллий авиакомпанияси Истанбулда юз берган терактдан кейин Туркия ҳукумати қарорига кўра, Отатурк халқаро аэропорти вақтинчалик ёпилиши муносабати билан Истанбул-Тошкент йўналиши бўйича амалга оширилиши керак бўлган HY-274 рейси вақти ўзгаргани ҳақида маълум қилди.
Миллий авиакомпания матбуот хизматида берилган хабарга кўра, HY-274 рейси билан Истанбул шаҳридан Тошкентга парвоз қиладиган самолётнинг парвозга чиқиш вақти маҳаллий вақт билан соат 20:00 этиб белгиланди.
Отатурк аэропортида йўловчиларни рўйхатдан ўтказиш маҳаллий вақт билан соат 17:00да бошланади.
Газета.uz сайтининг ёзишича, теракт туфайли сешанба куни авиакомпаниянинг самолёти Истанбулдан Тошкентга кечикиб учган эди. Бугун эса Тошкентдан самолёт мўлжалдаги вақтидан кечроқ ҳавога кўтарилган.
